Abanyarwanda barenga ibihumbi 120 barwaye umutima ntibivuza

Ikigo cy’igihugu cy’ubuzima (RBC) gitewe impungenge zikomeye n’abaturage bagaragaweho indwara z’umutima ariko bakaba badaha agaciro gakwiye kwivuza kare batararemba ngo bibe ngombwa kubagwa.

Abanyarwanda barenga ibihumbi 120 barwaye umutima ntibivuza

IGIHE.com

lists, links, etc.

Ikigo cy’igihugu cy’ubuzima (RBC) gitewe impungenge zikomeye n’abaturage bagaragaweho indwara z’umutima ariko bakaba badaha agaciro gakwiye kwivuza kare batararemba ngo bibe ngombwa kubagwa.

Ubwo kuri uyu wa 3 Werurwe 2017 haganirwaga ku ngamba zo gufasha abarwayi b’indwara zitandura n’iz’umutima, RBC yatangaje ko muri 2016 yakoze ubushakashatsi bw’abasanganywe indwara z’umutima, ibona ko hari benshi batagera kwa muganga.

Dr. Ntaganda Evariste ushinzwe ishami ryo kurwanya indwara z’umutima muri RBC yagizi ati “Abantu 135025, abo nibo twakabaye tuvuga ngo dukurikirana ariko kubera ko bataza kwa muganga baracyari bake cyane, haza ibihumbi bitanu kurenga.”

Yasobanuye ko ubu abakurikiranwa n’abaganga ari 5238 bonyine, akaba ari imbogamizi ikomeye mu gukurikirana no kuvura abantu batararemba.

By’umwihariko abafite indwara y’umuvuduko w’amaraso, hivuza abarirwa ku kigero cya 15 % cy’abayisanganywe.

Mu gihe mu Rwanda hataragwira abaganga b’indwara z’umutima, Dr Ntaganda yanavuze ko n’iyo haje inzobere z’abanyamahanga, nabwo abitabira kwivuza ni bake. Nk’inzobere 40 zimaze ibyumweru bibiri mu bitaro byitiriwe Umwami Faisal zashoboraga kuba zaravuye abantu 149 ariko hamaze kwivuza 83 bonyine.

Ikibabaje, Dr Ntagara asobanura ko iyo umurwayi w’izi ndwara yatinze kwivuza, aho arembeye bisaba ko abagwa.

Ku byerekeye indwara zitandura n’iz’umutima, hari n’ikibazo ko hari abazigendana batazi ko barwaye kubera ko batisuzumishije.

Dr. Aime Marie Muhimpundu uyobora ishami rishinzwe kurwanya indwara zitandura muri RBC ashishikariza buro wese kwisuzumisha, akanavuga ko hari no gukorwa ibishoboka kugira ngo izo ndwara zivurirwe no ku bigo nderabuzima.

Yakomeje avuga ko ubu hakurikijwe amabwiriza y’ubwisungane mu kwivuza bwa mitiweli, nayo yifashishwa mu kwivuza izi ndwara.

Kubw’ibyo Dr Muhimpundu agira inama abantu bose kwisuzumisha bakamenya uko bahagaze, ndetse bakamenya ko uburyo bwo kwirinda izo z’umutima n’izindi zitandura harimo gukora siporo, kunywa inzoga nke, kurya indyo ikungahaye ku ntungamubiri no kwirinda itabi.

Ikigo cy’igihugu cy’ubuzima (RBC) kiratangaza mu myaka itatu iri imbere hazaba hagiyeho ikigo cyihariye gitanga ubuvuzwi bw’indwara z’umutima harimo no kubaga abarwayi bawo mu Rwanda.

Dr Muhimpundu ati “Kizaba gifite ubushobozi bwo kubaga kuko kugeza ubu abavuye hanze nibo baza kudufasha kubaga abarwayi b’umutima bakenewe kubagwa, icyo kigo rero kizaba gifite abaganga n’ibikoresho ku buryo izajya ifasha abagaragaweho ibyo bibazo batarinze koherezwa hanze.”

Icyo kigo kizubakwa i Masaka mu Karere ka Kicukiro, kizaba ari icy’icyitegererezo, cyoherezweho umurwayi utabashije kuvurwa n’ibindi bitaro byo hirya no hino mu gihugu.

Nubwo nta mibare nyayo RBC itangaza y’abazize indwara zitandura n’iz’umutima, zihitana benshi buri mwaka.

Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.

Igitekerezo cyawe kigaragara nyuma y'isuzuma rikorwa na IGIHE.com , Murakoze!

Marketing : 0788 89 59 53
Editor : 0788 27 26 21
Management : 0788 74 29 08 / 0788 49 69 15
Emails : [email protected]/* <![CDATA[ */!function(t,e,r,n,c,a,p){try{t=document.currentScript||function(){for(t=document.getElementsByTagName('script'),e=t.length;e--;)if(t[e].getAttribute('data-cfhash'))return t[e]}();if(t&&(c=t.previousSibling)){p=t.parentNode;if(a=c.getAttribute('data-cfemail')){for(e='',r='0x'+a.substr(0,2)|0,n=2;a.length-n;n+=2)e+='%'+('0'+('0x'+a.substr(n,2)^r).toString(16)).slice(-2);p.replaceChild(document.createTextNode(decodeURIComponent(e)),c)}p.removeChild(t)}}catch(u){}}()/* ]]> */ / marketing@igihe.com

advertisement
Buzzy - News, Viral Lists, Polls and Videos

Buzzy - News, Viral Lists, Polls and Videos

Get start to make great community with Buzzy. TODAY! Purchase Now!